Ils emprims fastizs umans (chatschaders) scuverts en il Grischun dateschan d’enturn 10 000 a.C. (temp paleolitic tardiv) ed èn vegnids mess a la glisch il 1998–99 sin il territori dal Marsöl/Cuira. Dal temp mesolitic (8500–5500 a.C.) exista fin oz pir in sulet lieu da chat (Tec Nev/Mesocco). Dal temp neolitic (5500–2200 a.C.), l’epoca en la quala l’uman ha cumenzà a sa domiciliar ed a producir victualias, dateschan restanzas da plirs areals abitads: dal Tec Nev, da l’areal Zindel ed Ackermann/Cuira, dal Petrushügel/Cazas, da l’areal Crestis/Tumein e dal Pian del Remit/Castaneda.
(Foto: Adrian Michael / CC BY-SA 3.0)
- SCUVRAMUND – dossiers tematics
- MAGLIACUDESCHS – blog da lectura
Las preschentaziuns
