Piz Mundaun

Il Mundaun è ina muntogna da 2064 m autezza al sidvest da Glion, numnada era il Rigi grischun pervia da sia bella vista. Il Mundaun è daventà enconuschent cun las festivitads dal 1860 en commemoraziun da la Battaglia da Porclas e tras ils maletgs da Gottfried Ludwig Theobald («Naturbilder aus den Rätischen Alpen», 1860). El è era vegnì dechantà pli tard dals poets rumantschs. Michel Caderas, pictur da Glion, ha realisà il 1861 l'emprim panorama stampà dal Mundaun. Il Hotel Pez Mundaun è vegnì avert il 1862; l'odiern Hotel Bündner Rigi Pez Mundaun datescha dal 1902. Il Piz Mundaun è accessibel al turissem cun ina sutgera da vart nord. [Tenor e-lir].

(Foto: Adrian Michael / CC BY-SA 3.0)