Tartaruga da palì

La tartaruga da palì è la suletta spezia da tartarugas che viva en l’Europa Centrala. Anc avant paucs decennis era ella quasi svanida en Svizra. L’entschatta avrigl sa dasda la tartaruga da palì e sorta da sia tauna. Cur ch’il sulegl è pli chaud, prenda ella bogns da sulegl. Tartarugas da palì èn carnivors e sa nutreschan quasi exclusivamain d’animals che vivan en l’aua; daspera maglian ellas però er plantas da l’aua. Sco las bleras tartarugas cuntanscha er la tartaruga da palì ina fitg auta vegliadetgna.