L'onn 2006 è l'edifizi dal parlament a Berna vegnì renovà cumplettamain. Cunquai che sessiuns extra muros eran vegnidas realisadas l'onn 1993 a Genevra e l'onn 2001 a Lugano, ha il parlament federal decidì da far la sessiun respectiva en il territori da la Svizra rumantscha. Dals 18 da settember fin ils 6 d'october 2006 èn las chombras federalas sa radunadas a Flem. La sessiun en la regiun Surselva è bain stada deditgada primarmain a la lavur politica, ella ha dentant er purschì a las parlamentarias ed als parlamentaris la chaschun da sa far in'idea dals giavischs e dals problems dal chantun Grischun e da la cuminanza linguistica rumantscha.
(Foto: RTR)
- SCUVRAMUND – dossiers tematics
- MAGLIACUDESCHS – blog da lectura
Las preschentaziuns
