Survista statistica da la Svizra

Ins na chatta bain nagliur auter tantas datas davart la Svizra sin in spazi uschè pitschen sco en la «Survista statistica da la Svizra», edida da l'Uffizi federal da statistica. Questa broschuretta cuntegna numerusas tabellas, graficas e cifras davart geografia, ambient, populaziun, industria e commerzi, agricultura, energia, turissem, traffic, consum privat, finanzas publicas, segirtad sociala, meds da massa, sanadad, politica, etc. Sin mintga pagina stat sper las cifras er ina resumaziun pregnanta. La broschura che cumpara mintg'onn pon ins telechargiar sin l'agen computer u empustar gratuitamain tar l'Uffizi federal da statistica.