Cadi

L’anteriur territori suveran da l'abazia da Mustér, ch’è sortì il 765 dal domini curretic tras la donaziun fixada en il Testament da Tello, uvestg da Cuira, vegniva numnà Cadi (da «Casa Dei»). La Sursassiala (sur la Val Russein) cun ils vischinadis da Mustér, Medel/Lucmagn e Tujetsch furmava il center da la Cadi; a la Sutsassiala (sut la Val Russein) appartegnevan Sumvitg, Trun e Breil. L'aual da S. Pieder a l'ost da Tavanasa furmava dapi il 1185 il cunfin oriental da la Cadi. Il 1799 resp. 1803 ha la Cadi pers il status d'in territori suveran claustral, il cumin da la Cadi è dentant sa mantegnì fin il 1851. [Tenor e-lir].

(Foto: Adrian Michael / CC BY-SA 3.0)