Cifras e fatgs. Umens e dunnas

Las cifras cumprovan: Dunnas ed umens vivan en il Grischun en plirs reguards en differents munds. Lur situaziun n'è, sco quai chi mussa la cumparaziun statistica, betg eguala. En la furmaziun, en la professiun, tar la paja, tar la quota da gudogn, en la politica (sin plaun communal e chantunal), en las posiziuns da cader han las dunnas grischunas en cumparaziun cun ils umens grischuns in grond basegn da cumpensaziun. Las differenzas tranter las dunnas ed ils umens en il Grischun, las qualas pon vegnir cumprovadas cun statisticas, vegnan resumadas per l'emprima giada en questa broschura.