Jean Rudolf von Salis

Jean Rudolf von Salis è naschì il 1901 a Berna sco descendent da la veglia schlatta aristocratica dal Grischun. Von Salis è stà activ sco schurnalist ed istoriograf. Sias contribuziuns radiofonicas (rapports, analisas e commentaris) davart la Segunda Guerra mundiala han rendì el, sco «vusch da la naziun», enconuschent sur ils cunfins naziunals ora. L'onn 1984 è el vegnì onurà cun il premi grischun da cultura. [Tenor e-lir].