La litgiva d'aual

La litgiva viva en auals cun aua fraida e bler oxigen. Ses corp è ferm ed erodinamic. Tut tenor nua che la litgiva è, sa mida sia colur. Ella stat il pli gugent en bugls davos rempars d’auals. Il pli savens sa metta ella cunter il current. Litgivas grondas han in revier da chatscha, or dal qual ellas chatschan tut las concurrentas. Ellas vivan gugent en il medem lieu, e sch’ellas bandunan lur revier, lura mo per in curt temp. Las litgivas maglian larvas d’insects, giomberets e pitschens peschs. Ellas sgnappan era insects che sgolan u che nodan sur l’aura vi. [Tenor Biologia].