Tirano

En il 16avel tschientaner è Tirano (rumantsch Tiraun) sa sviluppà ad in center dal stgomi da martganzia e d'ideas e furmava in punct central dal traffic da commerzi tranter il Grischun e Vaniescha sco era tranter Buorm e Milaun. Cun ca. 5'000 abitants enturn il 1589 aveva Tirano il dumber d'abitants il pli elevà en Vuclina. En il 19avel tschientaner han commerziants da vin dal Grischun acquistà vignas en ils conturns da Tirano. Il 1910 è la lingia dal Bernina da la Viafier retica vegnida colliada a Tirano cun la rait da viafier taliana. [Tenor e-lir].

(Foto: Arnaldo Zitti / CC BY-SA 3.0)