Scuders

Dapi il 1878 fracziun da la vischnanca politica d'Aschera, situada sin la spunda dretga sur la chavorgia dal Schraubach a la via che maina tras il Schweizertor en il Montafun. En il 16avel tschientaner exista a Scuders in'industria da minieras. La chaplutta dals miniers, consecrada a s. Onna, è menziunada per l'emprima giada il 1508. Dapi il 1867 è Scuders periclità da sbuvadas da terren e da bovas, da maniera ch'ins ha stuì investir blers daners en rempars. La via charrabla da Scuders ad Aschera, construida il 1933, maina sur la punt da Salgina (1930). Scuders ha sviluppà in turissem da stad moderà. [Tenor e-lir].

(Foto: Paebi / CC BY-SA 3.0)