Lü

Il vitg da Lü giascha sin ina terrassa sulegliva da la vart sanestra dal Rom ed è cun ses 1920 m in dals pli autsituads da l'Europa. A la via da sauma da Lü sur il Pass da Costainas en l'Engiadina Bassa sa chattava probablamain ina staziun da berniers. Cun l'amplificaziun da la via charrabla sur il Fuorn (1870-72) è il vitg vegnì isolà anc pli fitg che avant. Cun «Lü-Stailas» ha existì tranter il 2009 ed il 2018 in center per astronomia. Dapi il 2009 fa Lü part da la vischnanca da vallada Val Müstair.

(Foto: Jakob Vetsch / CC BY-SA 3.0)