Commonwealth

Il Commonwealth è naschì d’ina decolonisaziun. 1921 ha la Gronda Britannia renconuschì l’independenza dals stadis Canada, Irlanda, Africa dal Sid, Australia e Nova Zelanda. Tut quests pajais, tenor il «Statut da Westminster» (1931), eran «freely associated as members of the British Commonwealth of Nations» e renconuschevan il retg britannic sco schef da lur stadi; mo l’Irlanda ha renunzià il 1948 a la commembranza. L'onn 1947 èn l’India ed il Pakistan vegnids independents aifer il Commonwealth. Las bleras anteriuras colonias britannicas èn sa sviluppadas sumegliantamain. [Tenor LQ].