Ina gronda part dals bulieus ch’appartegnan a quest gener èn da tissi u nunmangiabels. Perquai èsi fitg impurtant d’enconuscher fitg bain ils stgarplinads da tissi. Fermamain da tissi è il stgarplinà cotschnent. El cuntegna ils medems tissis sco l’amanita mustgera, ma en concentraziuns bler pli autas. Il fritg è pitschen, il chapè ha ina grondezza da 3-8 cm e furma en in stadi tempriv in tgeiel che sa sviluppa alura cun ina goba. Il tgeiel daventa pli tard era plat ed è adina stgarpà radialmain. Las lamellas èn grisch fustgas, brinas d’uliva u brinentas. Il pe cilindric n’ha nagin culier.
(Foto: Andreas Kunze / CC BY-SA 3.0)
- SCUVRAMUND – dossiers tematics
- MAGLIACUDESCHS – blog da lectura
Las preschentaziuns
