La Frantscha tschertga sia via

En differentas epocas da l'istorgia mundiala era la Frantscha ina da las pussanzas dominantas; il franzos è stà in temp la lingua la pli impurtanta per ils contacts internaziunals; e la contribuziun da l'iluminissem e da la Revoluziun franzosa al svilup dals dretgs umans e da la democrazia è incontestabla. Ma nua stat la Frantscha oz? Tge sfidas datti en l'intern? Co è sia rolla en l'Uniun europeica? E co sias relaziuns cun ils vischins da l'Africa dal Nord?