Siria

La Siria è situada sin la via terrestra che collia da vegl ennà l’Egipta e l’Arabia cun las citads grecas da l’Asia Minura. Ina Siria cun atgna identitad, tranter l’Eufrat e la Mar Mediterrana, pertschaiv'ins gia cun il retg macedon Seleucos «il victur» (mort 280 a.C.), fundatur da bleras citads grecas, cunzunt Laodicea ed Antiochia (situada oz en la provinza Hatay en Tirchia sper il cunfin da Siria). Questa lung'istorgia dal pajais differenziescha la Siria d'auters pajais arabs che han survegnì lur conturas odiernas pir suenter la fin dal colonialissem. [Tenor LQ].