Applicaziun «uTalk»

La firma englaisa «eurotalk» ha introducì cun «Talk now!» ina retscha da CD-Roms e programs per emprender linguas al computer e quai a moda interactiva. Uschia pon ins sa famigliarisar a moda ludica cun bundant 120 differentas linguas da tut il mund. Tranter quellas sa chatta er il rumantsch. Cun «uTalk» ha la firma «eurotalk» tegnì quint dal svilup tecnologic il pli nov ed ha adattà la furma classica da ses programs a l’iPhone ed iPad.