Fond naziunal svizzer

Il Fond naziunal svizzer è ina fundaziun da dretg privat cun l’intent da promover la perscrutaziun. Il Fond è vegnì fundà l'onn 1952 or da la tema che la Svizra crodia suenter la Segunda Guerra mundiala enavos pertutgant la perscrutaziun. Il Cussegl federal ed il parlament avevan mess a disposiziun lez onn 4 milliuns francs persuenter. 60 onns suenter èsi 700 milliuns. Dapi il 1975 realisescha il Fond naziunal era programs da perscrutaziun per schliar problems urgents da muntada naziunala.