Stampa

Stampa furma il center administrativ e cultural da la vischnanca da vallada ch'è sa furmada il 2010. Sco singularitad geografica cumpigliava l'anteriura vischnanca da Stampa las culegnas da Stampa, Borgonovo, Coltura, Montaccio, Caccior (a ca. 1000 m), Cavril e Canova al pe dal Pass dal Malögia (a ca. 1600 m) sco era la fracziun da Malögia cun Isola, Orden, Pila e Capolago (a ca. 1810 m), aclauns da stad a l'ur da l'auta planira engiadinaisa. L'urbarisaziun en il fund da la val è vegnida terminada en il 12avel tschientaner, e la regiun dal Malögia è vegnida rendida accessibla a partir dal 15avel tschientaner davent da Stampa. [Tenor e-lir].

(Foto: Adrian Michael / CC BY-SA 3.0)