Succurs svizzer d'enviern

En il context da la crisa economica mundiala han fundà exponents da l'economia, da l'industria e da la politica svizra il 1936 il Succurs svizzer d'enviern per dischoccupads per cumbatter la paupradad creschenta da tschientmillis pertutgads e per garantir a quels la survivenza durant ils mais d'enviern pli stgars. La conjunctura auta dal suenterguerra ed il sistem d'assicuranzas publicas e privatas han diminuì la paupradad, quella è dentant puspè creschida a partir da la fin dal 20avel tschientaner en furma da persunas che na pon betg viver da lur renta e dals working poor. Il Succurs svizzer d'enviern sustegna quellas cun regals en natiralias, buns da cumpra e contribuziuns a scolaziuns e prestaziuns socialas. [Tenor e-lir].