Zuoz

Il 1137/39 ha acquistà l'uvestg da Cuira, che possedeva gia il bain Dorta (oz part dal vitg) e la suveranitad en l'Engiadin'Ota, funs dals conts da Gamertingen (Germania dal Sid) cun in grond bain a Zuoz e la baselgia da S. Luzi. Il 1244 ha nominà l'uvestg Volkart Andreas Planta da Zuoz chancelier da l'Engiadin'Ota, iniziond qua tras la predominanza da la famiglia Planta e dal vischinadi da Zuoz ch'ha durà fin il 1798. Dapi la fin dal 19avel tschientaner è sa sviluppà Zuoz ad in lieu da cura grazia a la construcziun d'hotels. Cun la fundaziun tranter auter dal Lyceum Alpinum (1904) è Zuoz daventà il center da scola regiunal. [Tenor e-lir].

(Foto simbolica: Adrian Michael / CC BY-SA 3.0)