Fundaziun per la fotografia

Cronica è in archiv virtual ch'è deditgà al mantegniment, a l'avertura ed a l'intermediaziun da bains culturals audiovisuals che sa refereschan al Grischun. L'uniun Cronica archivescha fotografias confurm als basegns da las medias e digitalisescha e metta a disposiziun fotografias sin il portal d'internet www.cronica.ch. Il portal ha ina maschina da retschertga cun differentas opziuns da retschertga. Dapi sia fundaziun l'onn 2007 ha l'uniun Cronica gia cataloghisà e digitalisà plirs archivs da maletgs dal Grischun. Era las commembras ed ils commembers da l'uniun sezs documenteschan lieus istorics cun atgnas fotografias. [Tenor Museums grischuns].