A maun d'exempels mussa il museum local Althus la moda da viver dals Gualsers che han colonisà a partir da l'onn 1300 la Val Stussavgia nà dal sid. Malgrà che la chasa istorica n'è betg uschè gronda, n'ha ella betg mo ina stiva («Stubä»), ina cuschina («Chuchi»), in tschaler («Chäller») e chombras («Spiicher»), mabain er in tschaler da latg («Chòòltchammerä» ed ina bargia da laina («Schithus»). Ils locals èn endrizzads cun mobigliar istoric e vegnan enritgids tras differents isegls e products artisanals. Da vesair èn per exempel in taler e numerusas ovras tessidas u fatgas cun crutsch. [Tenor Museums grischuns].
(Foto: Paebi / CC BY-SA 3.0)
- SCUVRAMUND – dossiers tematics
- MAGLIACUDESCHS – blog da lectura
Las preschentaziuns
