Il Museum local Obermutten tematisescha differents aspects da la vita purila en il vitg da muntogna da Mutten. La construcziun da lain dal 17avel tschientaner che vegn anc adina abitada è endrizzada cun mobigliar istoric che vegn cumplettà cun utensils tschernids tenor tema or da la collecziun dal museum. Il museum vul era crear ina relaziun cun temas istoric-culturals. Uschia intermediescha il museum atgnadads da la cultura gualsra e tematisescha l'istorgia dal vitg ch'ha gì fin il 2016 ina posiziun particulara sco singula vischnanca refurmada e tudestga en la part sut da l'Alvra. [Tenor Museums grischuns].
(Foto: Adrian Michael / CC BY-SA 3.0)
- SCUVRAMUND – dossiers tematics
- MAGLIACUDESCHS – blog da lectura
Las preschentaziuns
